У Паўночнай Карэі паведамілі аб з'яўленні Кім Чэн Ына на публіцы

Дзяржаўнае інфармагенцтва Паўночнай Карэі ўпершыню з 11 красавіка паведаміла аб публічным мерапрыемстве з удзелам лідара краіны Кім Чэн Ына. Пацверджання гэтай інфармацыі з незалежных крыніц няма.
Паўночнакарэйскі лідар Кім Чэн Ын зноў з'явіўся на публіцы ўпершыню за тры тыдні. Дзяржаўнае агенцтва Паўночнай Карэі KCNA паведаміла ў суботу, 1 мая, што ён прыняў удзел у мерапрыемстве на заводзе па вытворчасці угнаенняў. Газета Rodong Sinmun апублікавала здымкі Кіма, зробленыя, як сцвярджаецца, падчас гэтага візіту.

Пацверджання гэтай інфармацыі з іншых, незалежных крыніц няма. У апошні раз прэса КНДР пісала аб публічным з'яўленні Кім Чэн Ына 11 красавіка. З тых часоў ён нечакана прапусціў традыцыйную цырымонію з нагоды дня народзінаў яго дзеда, заснавальніка Паўночнай Карэі Кім Ір Сэна 15 красавіка.

У сувязі з гэтым у міжнародных СМІ курсіравалі чуткі аб стане здароўя паўночнакарэйскага лідара. Называліся розныя версіі магчымай адсутнасці Кім Чэн Ына на публіцы — цяжкая хвароба, аперацыя на сэрцы і нават смерць.

dw.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: