Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

У Польшчы ўласнікам могуць вярнуць творы мастацтва, канфіскаваныя камуністамі

Такі законапраект прадставіла ў пятніцу Міністэрства юстыцыі Польшчы.

Фота warspot.ru

У Польшчы рыхтуецца новы закон аб рэпрыватызацыі — вяртанні законным уладарам маёмасці, канфіскаванай камуністычнымі ўладамі. Згодна з ім, грамадзяне атрымаюць права на вяртанне не толькі нерухомай, але і рухомай маёмасці — напрыклад, твораў мастацтва.

Пры гэтым мастацкія творы, уключаныя ў спіс помнікаў культуры (напрыклад, музейныя экспанаты) вяртацца не будуць.

Згодна з праектам закону, на працягу 6 месяцаў органы мясцовага самакіравання і музеі павінныя апублікаваць спісы маёмасці, якая падлягае рэпрыватызацыі.

На тое, каб падаць заяву на зварот канфіскаванай камуністычнымі ўладамі маёмасці, нашчадкі былых уласнікаў будуць мець год.

У некаторых выпадках дзяржава атрымае права выкупіць рэпрыватызаваную маёмасць, аддаўшы ўласніку 20% рынкавага кошту гэтай маёмасці.

www.radyjo.net



Каментаваць