У Польшчы затрымалі чалавека па падазрэнні ў шпіянажы на Расію

Пра гэта паведамляе Свабода.
У Польшчы па абвінавачванні ў шпіянажы на карысць Расіі затрыманы 43-гадовы польскі грамадзянін Марцін К.

Як паведамляе польскае Агенцтва ўнутранай бяспекі, ён прызнаў віну па выстаўленых яму абвінавачаннях.

Паводле ведамства, ён збіраў інфармацыю аб вайсковых структурах і польскіх грамадзянах і перадаваў гэтыя звесткі расійскай выведцы.

Польскія спецслужбы затрымалі падазраванага ў шпіянажы на карысць Расіі 5 траўня. Суд арыштаваў яго на тры месяцы. Расследаванне праводзіцца пры ўдзеле Нацыянальнай пракуратуры Польшчы. Матэрыялы справы засакрэчаныя.

У сярэдзіне красавіка Польшча абвясціла трох супрацоўнікаў амбасады Расіі ў Варшаве персонамі non grata. Як гаворыцца ў паведамленні МЗС Польшчы, іх дзеянні парушалі дыпламатычны статус, а таксама наносілі Польшчы шкоду. Масква ў адказ выслала пяцёх польскіх дыпламатаў.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: