У Раду ўнеслі папраўкі аб пакаранні за непрызнанне Крыма часткай Украіны

У Вярхоўную раду ўнесены законапраект аб увядзенні крымінальнай адказнасці за непрызнанне прыналежнасці Украіне Крыма і раёнаў Данецкай і Луганскай абласцей. Дакумент апублікаваны на сайце парламента.
old.qha.com.ua

old.qha.com.ua

Дакумент прадугледжвае ўнясенне паправак у арт. 110 КК «Аб замаху на тэрытарыяльную цэласнасць і недатыкальнасць Украіны». Аўтарамі ініцыятывы выступілі спікер рады Андрэй Парубій, а таксама дэпутаты Вікторыя Сюмар («Народны фронт») і Марыя Іёнава («Еўрапейская салідарнасць»).

Згодна з законапраектам, за «наўмыснае непрызнанне» прыналежнасці Крыма, горада Севастопаля і Данбаса ўкраінскімі тэрыторыямі варта караць пазбаўленнем волі на тэрмін ад трох да пяці гадоў з канфіскацыяй маёмасці.

Дзеючае заканадаўства ў сферы забароны замаху на тэрытарыяльную цэласнасць Украіны адпавядае міжнародным стандартам, аднак «неналежным чынам» ужываецца ў судах, гаворыцца ў тлумачальнай запісцы.

На думку парламентарыяў, сёння 110-ы артыкул накіраваны на папярэджанне пагрозы расколу дзяржавы, што стварае нязручнасці ў яго ўжыванні па фактах непрызнання прыналежнасці акупаваных тэрыторый.

6 ліпеня камітэт па палітычных пытаннях і бяспецы ПА АБСЕ прыняў рэзалюцыю, якая адмаўляе прыналежнасць Крыму Расіі. У дакуменце гаварылася, што АБСЕ паважае суверэнітэт і тэрытарыяльную цэласнасць Украіны «ў межах Крыма, Севастопаля і марскіх раёнаў».

Паводле rbc.ru

Хочаце ведаць больш? Сачыце за нашымі публікацыямі ў Telegram і Facebook!