У Расіі аўтазакі абсталявалі для інвалідаў і жанчын з дзецьмі

Фэдэральная служба выканання пакаранняў Расіі прадставіла адмысловыя аўтамабілі (аўтазакі) для перавозкі людзей, якія перасоўваюцца на інваліднай калясцы, а таксама для жанчын з дзецьмі, перадае Радыё Свабода.
У аўтазаках для «калясачнікаў» ёсць спецыяльныя пад’ёмнікі для інвалідных крэслаў. Для асуджаных жанчын з дзецьмі прадугледжаныя адмысловыя дзіцячыя аўтакрэслы.

Новыя аўтазакі паказалі на Усерасійскай нарадзе кіраўнікоў медыка-санітарных частак крымінальна-выканаўчай сістэмы. Намеснік кіраўніка Федэральнай службы выканання пакаранняў Васіль Максіменка заявіў, што новыя машыны ўжо закупляюцца.

Стварэнне новых аўтазакаў можа быць звязанае з нядаўнім рашэннем Еўрапейскага суду ў правах чалавека, у якім гаворыцца, што ўмовы перавозкі людзей у расейскіх турэмных аўтамабілях «роўныя катаванням» з прычыны нязручнасці і цеснаты.

svaboda.org

Хочаце ведаць больш? Сачыце за нашымі публікацыямі ў Telegram і Facebook!