У Ротэрдаме адмянілі рок-канцэрт з-за пагрозы тэракту

У галандскім горадзе Ратэрдам у апошнюю хвіліну было адменены выступ амерыканскага рок-гурта Allah-Las з-за пагрозы тэракту. Непадалёк ад канцэртнай залы быў знойдзены фургон з газавымі балонамі. Як паведаміў мэр Ратэрдама, інфармацыя аб магчымай пагрозе паступіла ад іспанскай паліцыі.
Кіроўца фургона з іспанскімі нумарамі быў затрыманы, распавёў журналістам мэр Ахмед Абуталеб. Пры гэтым ён падкрэсліў, што пакуль невядома, ці ёсць сувязь паміж меркаванай пагрозай і выяўленнем фургона.
Кіроўцу фургона даставілі ў аддзяленне паліцыі для допыту, распавялі ў паліцыі. Па паведамленні іспанскай газеты El Pais, ён — грамадзянін Іспаніі.

Паведамляецца, што фургон аглядзела брыгада сапёраў. Канцэртная пляцоўка была ачэпленая паліцыянтамі ў бронекамізэльках, а гледачоў разгортвалі на ўваходзе.

«Пасля таго як паліцыянты ўзялі пад ахову перыметр вакол канцэртнай залы, быў знойдзены фургон з газавымі балонамі», — распавёў мэр Ратэрдама і заклікаў не рабіць паспешлівых высноў.

Інфармацыя ад іспанскай паліцыі паступіла праз тыдзень пасля тэрактаў у Барселоне і Камбрыльсе, у выніку якіх загінулі 15 чалавек. Тэрактам папярэднічаў выбух у жылым доме ў горадзе Альканар, у якім было выяўлена больш за 100 газавых балонаў. Іспанскія следчыя лічаць, што змоўшчыкі збіраліся зладзіць маштабныя выбухі ля галоўных славутасцяў Барселоны.

У 2016 годзе музыкі Allah-Las распавялі ў інтэрв'ю газеце Guardian, што яны рэгулярна атрымліваюць пагрозы ад мусульман, якіх абражае слова «Алах» у назве групы.

Яны патлумачылі, што прыдумалі назву з рэлігійным гучаннем, натхніўшыся назвай іншай папулярнай групы Jesus and Mary Chain.

Паводле BBC

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: