Яго выступ транслявалі ў твітэры арганізацыі, паведамляе meduza.io.
«Мы ідзем на другі год, ён можа быць нават больш цяжкім, улічваючы дынаміку перадачы і некаторыя праблемы, якія мы бачым», — сказаў Майкл Раян.
Па словах Раяна, у Паўночным паўшар'і, перш за ўсё ў Паўночнай Амерыцы і ў Еўропе, СААЗ назірае «ідэальны сезонны шторм», калі людзі з-за холаду часцей заходзяць унутр памяшканняў, што ўзмацняе сацыяльнае змяшэнне. Гэта павялічвае распаўсюджванне віруса ў многіх краінах, адзначыў прадстаўнік СААЗ.
Тэхнічны кіраўнік СААЗ па рэагаванні на COVID-19 Марыя Ван Керкхове ў той жа час папярэдзіла, што пасля навагодніх святаў у некаторых краінах сітуацыя з распаўсюджваннем каронавіруса можа пагоршыцца.
Раней СААЗ у сваёй штотыднёвай справаздачы адзначыла, што тыдзень з 4 па 10 студзеня колькасць выяўленых выпадкаў заражэння каронавірусам вырасла на рэкордныя пяць мільёнаў. Да гэтага два тыдні назіралася зніжэнне выяўленых выпадкаў.
За тыдзень з 4 па 10 студзеня ў свеце зарэгістравалі 85 тысяч смерцяў ад каранавіруса. На мінулым тыдні 51% усіх выяўленых выпадкаў заражэння каронавірусам і 45% усіх смерцяў прыйлося на Паўночную і Паўднёвую Амерыку.
