У Славаччыне затрымалі сем чалавек па справе аб забойстве журналіста

Паліцыя Славаччыны затрымала італьянскага бізнэсмэна Антоніа Вадала ў рамках расследвання першай у гісторыі краіны справы аб забойстве журналіста Яна Куцыяка. Разам з прадпрымальнікам у горадзе Міхалаўцэ на ўсходзе краіны былі затрыманыя яго брат Бруна Вадала і кузэн П’етра Катропа.
Дэманстрацыя ў Братыславе памяці забітага журналіста

Дэманстрацыя ў Братыславе памяці забітага журналіста

Пасля допыту затрыманых паліцыя прыме рашэнне аб меры стрымання. Антоніа Вадала быў галоўным фігурантам расследавання Куцыяка, які падазраваў славацкія ўлады ў сувязях з італьянскай злачыннай групоўкай Ндрангета.

Агулам паліцыя Славаччыны затрымала сем чалавек у чацвер у рамках расследавання забойства журналіста Яна Куцыяка. Пра гэта паведамляюць мясцовыя СМІ са спасылкай на прэс-службу кіраўніка паліцыі Тыбора Гаспара. Ён паведаміў, што паліцыя правяла ператрусы ў шэрагу дамоў ва ўсходняй Славаччыне, што належаць асобам, якія маглі быць зацікаўлены ў забойстве Куцыяка. Журналіст быў застрэлены разам са сваёй дзяўчынай на мінулым тыдні ў сваім доме.

Ператрусы прайшлі ў італьянскіх бізнэсоўцаў з меркаванымі мафіёзнымі сувязямі, пра якія пісаў Куцыяк у сваім апошнім, пасмяротна апублікаваным артыкуле. У прыватнасці, па дадзеных Куцыяка, Вадала, які мае шчыльныя сувязі з італьянскай мафіяй, на пачатку 2000-х зьбег з Італіі ад паліцэйскага пераследу ў Славаччыну, дзе арганізаваў сумесны бізнэс з былой мадэллю і памочніцай прэм’ер-міністра краіны Марыяй Трошкавай.

Расследванне Куцыяка засталося незавершаным з прычыны яго забойства. Сама Трошкова ўжо абвясціла, што сыдзе ў адстаўку на час расследвання смерці журналіста.


Паводле svaboda.org

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: