У сувязі з расследаваннем пажару ў саборы ў Нанце затрыманы мужчына

У рамках расследавання прычын пажару ў саборы Святых Пятра і Паўла ў французскім Нанце затрыманы 39-гадовы мужчына, паведамляе ў нядзелю BFMTV.
Пажар у саборы

Пажар у саборы

Па дадзеных тэлеканала, гэта прыезджы, які працаваў у саборы ў якасці валанцёра. За дзень да пажару ён павінен быў замкнуць уваход у будынак.

Пракуратура падкрэслівае, што мужчыну затрымалі на час праверкі.

Як паведамлялася, у суботу ў саборы Святых Пятра і Паўла — адным з найбуйнейшых гатычных сабораў у Францыі — пачаўся пажар. Яго ўдалося патушыць, але агонь паспеў знішчыць арган і значную частку ўнутранага дэкору. На месцы здарэння было знойдзена тры ачага ўзгарання, у сувязі з чым правяраецца версія аб падпале будынка.

Кафедральны сабор Нантскай епархіі узводзіўся ў перыяд з 1434 па 1891 год. Ён усяго на шэсць метраў ніжэй сабора Парыжскай Божай Маці.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: