У трунах ахвяраў Смаленскай катастрофы знайшлі парэшткі адразу некалькіх чалавек

У труне камандуючага ўзброенымі сіламі былі фрагменты чатырох целаў, у труне камандуючага спецназу – адразу сямі.
Photo:wikimedia commons/see OTRS ticket for details. - Praca własna/CC BY-SA 2.5

Photo:wikimedia commons/see OTRS ticket for details. - Praca własna/CC BY-SA 2.5


Польская пракуратура пацвердзіла, што ў труне генерала Уладзімежа Патасінскага, які загінуў у Смаленскай авіякатастрофе, знаходзіліся фрагменты целаў чатырох іншых людзей. Інфармацыю пра гэта агучыла ўчора газета Fakt.

Газета таксама напісала, што ў труне аператыўнага камандуючага польскіх узброеных сілаў Браніслава Квяткоўскага знайшлі фрагменты целаў ажно сямі іншых ахвяраў авіякататрофы. Пракуратура пацвердзіла, што ў труне знаходзіліся парэшткі іншых людзей, але не паведаміла, колькіх дакладна.

ген. Уладзімеж Патасіньскі. Фота: Міністэрства абароны Польшчы

ген. Уладзімеж Патасіньскі. Фота: Міністэрства абароны Польшчы


Пасля катастрофы авіялайнера прэзідэнта Польшчы Леха Качынскага, якая адбылася 10 красавіка 2010 году, ідэнтыфікацыяй целаў займаліся расейскія ворганы. Калі целы ахвяраў былі перавезеныя ў Польшчу, іх сем’ям забаранілі адкрываць труны, спасылаючыся на санітарныя нормы.

ген. Браніслаў Квяткоўскі. Фота: Міністэрства абароны Польшчы

Пасля таго, як у польскіх уладаў узніклі падазрэнні ў сумленнасці ідэнтыфікацыі, праведзенай расейскімі следчымі і патолагаанатамамі, было прынятае рашэнне пачаць эксгумацыю. З 2011 году былі адчыненыя труны 26 ахвяраў катастрофы. Высветлілася, што 8 чалавек былі пахаваныя не ў сваіх магілах, а ў пяці трунах знаходзіліся фрагменты целаў адразу некалькіх людзей. Усяго плануецца эксгумаваць целы 83 чалавек.

radyjo.net

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: