У ЗША ад каронавірусу памерла беларуска

Хвароба забрала жыццё беларускі з Брукліна Святланы Клімук.
Пра гэта паведаміла ў Фэйсбуку Згуртаванне беларусаў свету Бацькаўшчына.

Сваякі адкрылі збор ахвяраванняў на пахаванне і падтрымку сям’і Святланы Клімук. 29 сакавіка наша суайчынніца, ураджэнка Брэста, якая жыла ў Брукліне, пасля двухтыднёвай барацьбы з каронавірусам загінула ад гэтай хваробы. У жанчыны засталося двое дзяцей.

Падтрымаць сям'ю матэрыяльна можна, ахвяраваўшы сродкі па спасылцы. Ужо сабрана каля 50 тысяч долараў.

ЗША сталі краінай з самым вялікім лікам пацверджаных выпадкаў заражэння каронавірусам. За тыдзень колькасць хворых амаль патроілася і перавысіла 120 тысяч, эксперты прагназуюць праходжанне піка распаўсюджвання толькі праз месяц.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: