У ЗША адбыліся пратэсты супраць абмежаванняў у сувязі з каронавірусам

Некаторыя жыхары штатаў Тэхас, Нью-Гэмпшыр і Мэрыленд незадаволеныя абмежавальнымі мерамі на фоне каронавіруса і выходзяць на дэманстрацыі з патрабаваннем адмены рэжыму самаізаляцыі.
У шэрагу гарадоў ЗША прайшлі пратэсты супраць дзейных абмежавальных мер, якія павінны запаволіць распаўсюджанне каронавіруснай інфекцыі. У суботу, 18 красавіка, сотні чалавек выйшлі на вуліцы гарадоў штатаў Тэхас, Нью-Гэмпшыр і Мэрылэнд. Пратэстоўцы не згодныя з рэжымам самаізаляцыі, не жадаюць заставацца дома і занепакоеныя эканамічнымі наступствамі локдауна ў краіне. У горадзе Канкорд штата Нью-Гэмпшыр на вуліцы выйшлі каля 400 мясцовых жыхароў. Некаторыя ўдзельнікі трымалі ў руках плакаты з надпісамі «Лічбы хлусяць» ці «Жыві вольна або памры». Частка дэманстрантаў была ўзброена і хавала свае асобы, паведамляе агенцтва AFP. Акрамя таго, на тыдні падобныя пратэсты прайшлі ў штатах Мічыган, Мэрылэнд, Агаё, Кентукі, Мінесота, Паўночная Караліна і Юта.

Напярэдадні пратэстаў прэзідэнт ЗША Дональд Трамп апублікаваў паведамленні ў сваім мікраблогу ў Twitter і заклікаў зняць абмежаванні ў шэрагу штатаў, у прыватнасці ў Мічыгане, Мінесоце і Вірджыніі.

18 красавіка кіраўнік Белага дома паведаміў, што асобныя катэгорыі прадпрыемстваў у штатах Вермонт і Тэхас змогуць аднавіць працу 20 красавіка, працягваючы выконваць меры засцярогі, а ўлады штата Мантана паступова пачнуць здымаць абмежаванні 24 красавіка.

Па дадзеных міжнароднай групы валанцёраў Worldometer на 18 красавіка, у ЗША каронавірусам заразіліся больш 730 тысяч чалавек. Ад COVID-19 у краіне памерлі больш за 38 тысяч пацыентаў.

dw.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: