У ЗША параўналі непрызнанне ўваходжання краін Балтыі ў СССР і Крыма ў Расію

ЗША ніколі не падтрымлівалі меркаванне, што краіны Балтыі ўваходзілі ў склад СССР, паколькі яны былі «заваяваныя сілай». Пра гэта заявіў пастаянны прадстаўнік ЗША пры АБСЕ Джэймс Гілмар, паведамляецца на сайце амерыканскага Дзярждэпартамента.

Фота: Тэлеканал ATR

Фота: Тэлеканал ATR

«Мы ніколі не згаджаліся, што гэта савецкія сацыялістычныя рэспублікі і законныя часткі Расіі», — сказаў ён.

Падобнай пазіцыі Вашынгтон прытрымліваецца і ў дачыненні да Крыма, адзначыў Гілмар. Паводле яго слоў, Маскве неабходна змяніць падыход у знешняй палітыцы. Палітык дадаў, што ЗША захаваюць санкцыі ў дачыненні да паўвострава да таго часу, пакуль Расія «не выйдзе з Крыму».

У канцы лютага дзяржсакратар ЗША Майк Пампеа запатрабаваў вярнуць Крым Украіне. Ён заявіў, што да гэтага моманту Вашынгтон захавае антырасійскія санкцыі. Паводле яго слоў, улады рэгіёну парушаюць правы і свабоды чалавека. Кіраўнік Дзярждэпу таксама адзначыў, што «мілітарызацыя Крыма служыць пагрозай агульнай бяспекі».

У адказ амбасада Расіі ў ЗША прапанавала прадстаўнікам амерыканскай адміністрацыі прыехаць у Крым і ўбачыць рэальнае становішча спраў на паўвостраве. У дыппрадстаўніцтве заявілі, што пытанне з прыналежнасцю Крыма канчаткова закрыта.

16 лютага прэзідэнт Украіны Уладзімір Зяленскі прызнаў, што Украіне ў бліжэйшы час не атрымаецца вярнуць Крым. Паводле яго слоў, у цяперашні час намаганні Кіева нацэлены на падтрымку суайчыннікаў, якія жывуць на паўвостраве. У той жа час ён паабяцаў зрабіць усё, каб «над Крымам развіваўся ўкраінскі сцяг».

Паводле rbc.ru

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: