У Ерэване акцыя пратэсту доўжыцца ўжо 6 гадзін, да яе маюць намер далучыцца жыхары гарадоў Гюмры і Севан

Да ўдзельнікаў акцыі пратэсту супраць падвышэння тарыфаў на электраэнергію ў Ерэване маюць намер далучыцца жыхары гарадоў Гюмры і Севан, паведамляе Armenia Today.



Сядзячая акцыя пратэсту на скрыжаванні вуліц Ісаакяна Баграмяна працягваецца ўжо 6 гадзін. Удзельнікі заклікаюць прэзідэнта краіны абвясціць рашэнне аб павышэнні тарыфаў на электраэнергію несапраўдным. Пры гэтым яны адмовіліся ад перамоваў як з прэзідэнтам, так і яго прадстаўнікамі. "Нам няма чаго абмяркоўваць. Мы чакаем выканання патрабаванняў", — кажуць яны.

Да ўдзельнікаў акцыі пратэсту ў Ерэване маюць намер далучыцца жыхары гарадоў Гюмры і Севан. Пра гэта паведамілі самі ўдзельнікі акцыі ў асобе членаў ініцыятывы "Не рабаўніцтву". Па іх словах, група жыхароў Гюмры ўжо далучылася да акцыі, іншая на шляху да горада. Адзін з членаў ініцыятывы паведаміў таксама, што ў знак пратэсту перакрытая міждзяржаўная дарога Ерэвае-Тбілісі, але не ўдакладніў, які менавіта адрэзак трасы перакрыты, заявіўшы, што інфармацыя ўдакладняецца. Акрамя таго, члены ініцыятывы заклікаюць удзельнікаў акцыі быць пільнымі і не паддавацца на правакацыі. Як яны сцвярджаюць, у шэрагах пратэстуючых нейкія людзі ў грамадзянскім спрабуюць справакаваць сутыкненні з паліцыяй, кідаючы ў паліцэйскіх бутэлькі. "Наша акцыя носіць выключна мірны характар. Мы не хочам і не пойдзем на сутыкненні з паліцыяй. Мы абараняем у тым ліку і інтарэсы паліцэйскіх", — кажуць яны.

Пратэстоўцы заявілі, што акцыя будзе насіць бестэрміновы характар, і яны не разыдуцца да выканання патрабаванняў.

У сваю чаргу, паліцыя заявіла, што акцыя незаконная, у сувязі з чым у яе ёсць права ўжыць фізічную сілу і спецсродкі для яе разгону.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: