Украіна — кандыдатаў ужо 44!

8 лютага Цэнтральная выбарчая камісія Украіны зарэгістравала апошніх кандыдатаў у прэзідэнты. Агулам іх 44, піша Еўрарадыё.

Падводзячы вынікі, кіраўніца ЦВК Таццяна Сліпачук распавяла, што агулам заявы на рэгістрацыю падалі 92 чалавекі. Для параўнання: на выбары 2014 года зарэгістравацца кандыдатамі хацелі 53 прэтэндэнты. Сёлетнія лічбы з'яўляюцца рэкорднымі для выбараў ва Украіне.
   
Сярод 44 зарэгістраваных кандыдатаў 20 самавылучэнцаў, 24 — прадстаўнікі палітычных партыяў.

Па сацыялагічных апытаннях, апублікаваных напрыканцы студзеня, першае месца займаў актор Уладзімір Зяленскі (19%). У тройку лідараў уваходзілі таксама Юлія Цімашэнка (18,2%) і прэзідэнт Пётр Парашэнка (15,1%).


Хочаце ведаць больш? Сачыце за нашымі публікацыямі ў Telegram і Facebook!