Украіна. Новы імідж Цімашэнка

Уся Украіна абмяркоўвае новы імідж Юліі Цімашэнка, які быў прадэманстраваны 25 жніўня ў кулуарах Сусветнага кангрэса ўкраінцаў.

Калаж: L!fe

Лідарка партыі «Бацькаўшчына» з'явілася на мерапрыемства ў чырвонай сукенцы па фігуры, пантофлях на высокіх абцасах і з новай прычоскай — прыбраныя за вушы прамыя валасы.

Гэта ўжо трэці вобраз Юліі за час палітычнай кар’еры. Спачатку яна — шатэнка з карэ, пачала заплятаць касу, якая стала сапраўдным брэндам. Пасля раптам трансфармавалася ў «настаўніцу» — акуляры плюс распушчаныя пафарбаваныя валасы. І вось зноў перамена.

У прынцыпе, большасць каментатараў успрыняла новы стыль пазітыўна, паколькі цяпер 56-гадовая Цімашэнка больш нагадвае звычайную ўкраінку сярэдняга ўзросту, што сведчыць пра яе блізкасць да народу.

Застаецца дадаць, што «новая Юля» таксама трошкі падобная да Дэйнэрыс — гераіні папулярнага серыялу «Гульні тронаў», якая, па сюжэце, кіруе драконамі. Адсюль і новая мянушка Цімашэнка — Маці Драконаў.

Праўда, Цімашэнка можа яшчэ перадумаць. Прыкладна ўвесну яна спрабавала хадзіць у вайсковым камуфляжы, аднак пасля адмовілася ад ідэі праз кпіны ў сеціве.

Паводле ўкраінскай прэсы


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: