Украіна спыняе абмен прававой інфармацыяй з Расіяй

Кабінет міністраў Украіны спыніў дзеянне пагаднення з Расіяй аб абмене прававой інфармацыяй.
kievcity.gov.ua

kievcity.gov.ua

Адпаведнае рашэнне было прынята сёння на пасяджэнні ўкраінскага ўрада.

Дадзены дакумент быў падпісаны і ўступіў у сілу 18 красавіка 1995 года.

Пагадненне прадугледжвала, што кожны з бакоў абавязуецца прадастаўляць другому боку прававую інфармацыю шляхам электроннай перадачы дакументаў, выконваючы ўстаноўленыя міжнародныя стандарты сродкаў камутацыі паведамленняў і пакетаў для адкрытых сістэм, або шляхам прадастаўлення другому боку афіцыйных тэкстаў прававых актаў на папяровых носьбітах. Акрамя таго, адзначалася, што інфармацыя, якая атрымліваецца адным з бакоў у ходзе супрацоўніцтва, можа быць перададзена трэцяму баку толькі пры ўмове згоды боку, якi перадаў гэтую інфармацыю.

Міністэрству замежных спраў Украіны даручана паставіць у вядомасць урад Расіі аб спыненні дзеяння гэтага дакумента.

interfax.com.ua

Хочаце ведаць больш? Сачыце за нашымі публікацыямі ў Telegram і Facebook!