Украіна ўнесла ў ААН праект рэзалюцыі па правах чалавека ў Крыме

Украіна вынесла на разгляд ААН праект рэзалюцыі аб становішчы ў галіне правоў чалавека ў Крыме і Севастопалі. Пра гэта 9 лістапада паведамляе Цэнтр навін ААН. Суаўтарамі дакумента выступілі 38 краін, уключаючы ЗША, Вялікабрытанію і Францыю.


У рэзалюцыі асуджаецца парушэнне правоў чалавека ў Крыме, у тым ліку крымскіх татараў і ўкраінцаў. Акрамя таго, дакумент заклікае Расію «неадкладна адмяніць» рашэнне аб прызнанні Меджліса крымска-татарскага народа экстрэмісцкай арганізацыяй.

Яшчэ адным патрабаваннем рэзалюцыі з'яўляецца бесперашкодны доступ на тэрыторыю анэксаванага Расияй Крыму міжнародных назіральнікаў для падрыхтоўкі дакладу аб сітуацыі з правамі чалавека на паўвостраве.

Прадстаўнік Украіны пры ААН Уладзімір Ельчанка, выступаючы на ​​пасяджэнні, заявіў, што два з паловай мільёны жыхароў Крыма «пакутуюць ад аўтарытарнага рэжыму, напалоханы, бездапаможныя і пазбаўленыя магчымасці абараняць свае правы».

Намеснік пастаяннага прадстаўніка Расеі пры ААН Яўген Загайнаў назваў прадстаўлены дакумент аднабаковым і абвінаваціў Украіну ва «ўзмацненні інфармацыйнай кампаніі супраць Расіі ў спробе аказаць ціск на Маскву».

Вярхоўная Рада Ўкраіны афіцыйна абвясціла 20 лютага 2014 года пачаткам часовай акупацыі Крыма і Севастопаля Расіяй. 7 кастрычніка 2015 года прэзідэнт Украіны Пётр Парашэнка падпісаў адпаведны закон. Міжнародныя арганізацыі прызналі акупацыю і анэксію Крыма незаконнымі і асудзілі дзеянні Расіі. Краіны Захаду ўвялі шэраг эканамічных санкцый. Расія адмаўляе акупацыю паўвострава і называе гэта «аднаўленнем гістарычнай справядлівасці».


Паводле ru.krymr.com/

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: