Украіна. Вакарчук не хоча быць прэзідэнтам?

Цяпер дамінуе пункт гледжання, што Вакарчук падтрымае іншага кандыдата. 

Святаслаў Вакарчук. Фота  KP.UA


Украінскі рок-гурт «Океан Эльзи» 24 жніўня даў традыцыйны канцэрт на Дзень незалежнасці краіны. Ад падзеі таксама чакалі адказу на важнае пытанне — ці абвесціць спявак Святаслаў Вакарчук пра свой удзел у выбарах прэзідэнта 2019 года.

Пра магчымы ўдзел Вакарчука ў выбарах кажуць ужо трэці год. Прычым стартавы рэйтынг спевака вельмі някепскі. Так ці інакш, лічылася, што ён абвесціць пра сваё вылучэнне ў прэзідэнты менавіта на канцэрце 24 жніўня.

Напярэдадні шоў украінскія букмекеры нават прапанавалі рабіць стаўкі на тое, ці варта чакаць такой аб’явы. Прычым, шанцы музыканта падацца ў палітыку яны ацэньвалі з верагоднасцю 50 на 50.

Аднак Вакарчук на канцэрце так і не зрабіў чаканай заявы. Хіба што ў перапынку паміж песнямі звярнуўся да гледачоў і сказаў, што сапраўдныя змены пачынаюцца з самога сябе.

Зараз дамінуе пункт гледжання, што Вакарчук падтрымае іншага кандыдата. Зрэшты, некаторыя лічаць, што лідар «Океана Эльзи» яшчэ зробіць заяву пра балаціроўку, але пазней.

Паводле ўкраінскай прэсы

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: