Украіна зрабіла абавязковым для ўезду ПЦР-тэст на каронавірус

Украіна зрабіла абавязковай наяўнасць ПЦР-тэсту для ўезду ў краіну. Патрабаванне распаўсюджваецца на замежнікаў. Адпаведнае рашэнне прыняў Кабінет міністраў краіны, паведаміў на сённяшнім брыфінгу міністр аховы здароўя Максім Сцяпанаў.


Паводле яго слоў, адпаведная пастанова набыла моц 22 сакавіка. Яна патрабуе, акрамя наяўнасці страхоўкі ад COVID-19 для замежнікаў, прад’явіць адмоўны вынік ПЦР-тэсту, які быў атрыманы не больш чым за 48 гадзін да дня перасячэння мяжы, паведамляе REFORM.by.

Калі ПЦР-тэст адсутнічае або маецца станоўчы вынік, то чалавеку, які заязджае ў краіну, трэба будзе пайсці на самаізаляцыю.

Да гэтага Украіна патрабавала самаізаляцыю ад грамадзян, якія ўязджаюць з краін «чырвонай» зоны.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: