Улады Францыі заявілі аб прадухiленнi атакі смяротніка ў Парыжы

У выніку антытэрарыстычных рэйдаў французскай паліцыі ў горадзе Монпелье на поўдні краіны былі затрыманыя трое мужчын і 16-гадовая дзяўчына.


Адзін з затрыманых меркавана збіраўся стаць смяротнікам, арганізаваўшы напад ў Парыжы, мяркуюць французскія ўлады.

У затрыманых былі знойдзеныя выбуховыя рэчывы хатняга вырабу, а менавіта трыпераксід трыацэтона, які валодае вялікай разбуральнай сілай.

Такая ж выбухоўка выкарыстоўвалася падчас парыжскіх нападаў 2015 года, яна пайшла на выраб паясоў смяротнікаў.

Ахвярамі тэрактаў у лістападзе 2015 года сталі 130 чалавек, больш за 350 былі параненыя.

У снежні 2016 года парламент прагаласаваў за падаўжэнне рэжыму надзвычайнага становішча ў краіне да 15 ліпеня 2017 года.

У пачатку лютага чалавек з мачэтэ паспрабаваў напасці на салдат, якія ахоўваюць уваход у Луўр.

29-гадовы Абдула Хамамі, які нападаў,атрымаў цяжкае агнястрэльнае раненне.


Паводле bbc.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: