Улады Кітая забаранілі есці дзікіх жывёл

Эпідэмія каронавіруса прымусіла ўлады Кітая ўвесці пастаянную забарону на гандаль дзікімі жывёламі, якіх выкарыстоўваюць у якасці прадуктаў харчавання. Аднак эколагі асцерагаюцца, што ў законе пакінута істотная шчыліна: ён не распаўсюджваецца на выкарыстанне дзікіх жывёл у медыцынскіх мэтах.
Пангалін

Пангалін

Агменем распаўсюджвання каронавіруса 2019-nCoV, які выклікае захворванне Covid-19, лічыцца рынак дзічыны ва Ухані, а прамежкавым звяном — пангаліны, праз якіх вірус мог перадацца людзям.

Раней Кітай ужо ўвёў часовую забарону на працу рынкаў, дзе прадаюцца дзікія жывёлы. І вось цяпер улады зрабілі яшчэ адзін крок, абвясціўшы на партыйным узроўні зараз ужо пастаянную забарону.

Новы закон, які прадугледжвае «поўную забарону на незаконны гандаль дзікімі жывёламі з мэтай выкаранення шкоднай звычкі ўжывання дзікіх жывёл у ежу, а таксама абароны здароўя і забеспячэння бяспекі насельніцтва», забараняе любы гандаль і ўжыванне ў ежу ўсіх наземных відаў дзікіх жывёл.

Аднак, як вынікае з даследавання, праведзенага Таварыствам аховы прыроды (WCS), гэты закон не датычыцца гандлю мехам, медыцынскіх прэпаратаў на аснове дзікіх жывёл, а таксама іх гадоўлі або адлову з навуковымі мэтамі.

«Гэта стварае патэнцыйныя дзіркі ў законе, якія могуць выкарыстоўваць браканьеры для гандлю дзікімі жывёламі, што трапляюць пад нехарчовыя выключэнні», — гаворыцца ў заяве WCS.

Па словах галоўнага ветэрынара WCS Крысціяна Уолцера, новая забарона стала важным крокам у патрэбным кірунку, паколькі заклікана выкараніць саму прычыну ўспышкі Covid-19.

«Аднак існуе актыўны гандаль дзікімі жывёламі, які не звязана з іх ужываннем у ежу», — нагадвае ветэрынар. Да прыкладу, у выпадку з пангалінамі іх лускавінкі тонамі выкарыстоўваюцца ў народнай медыцыне. І хоць улады кантралююць гэты гандаль, заўсёды застаецца месца і для чорнага рынку.

Як паказвае, у сваю чаргу, Дэніэл Чалендэр з Оксфардскага універсітэта, які вывучаў гандаль пангалінамі, новая забарона наглядна дэманструе, што Кітай «мае намер пакласці канец гандлю мясам пангалінаў». Пры гэтым даследчык падкрэслівае, што развядзенне пангалінаў ў навуковых мэтах законам не забараняецца.

bbc.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: