Улады Венесуэлы напярэдадні Калядаў канфіскавалі 4 млн цацак

Венесуэльская паліцыя арыштавала двух менэджараў кампаніі Kreisel, якая займаецца імпартам дзіцячых цацак.
Ілюстрацыйнае фота

Ілюстрацыйнае фота

Яны абвінавачваюцца ў спекуляцыі (гэта значыць закупцы тавару па нізкай цане з мэтай продажу па больш высокай), а таксама ў тым, што яны прытрымлівалі цацкі на сваіх складах у напярэдадні Калядаў для стварэння ажыятажнага попыту, паведамляе Бі-Бі-Сі.

Па дадзеных Агенцтва па абароне правоў спажыўцоў Венесуэлы Sundde, у кампаніі было канфіскавана агулам чатыры мільёны цацак.

Мільёны канфіскаваных цацак ахоўвае нацыянальная гвардыя Венесуэлы

Мільёны канфіскаваных цацак ахоўвае нацыянальная гвардыя Венесуэлы


Цяпер яны будуць прададзеныя па больш нізкай цане.

У заяве Sundde гаворыцца, што агенцтва не дазволіць «эканамічным злачынцам» пазбавіць венесуэльскіх дзяцей цацак.

На мінулым тыдні ўрад Венесуэлы загадаў прыватным кампаніям у напярэдадні Калядаў панізіць цэны на цэлы шэраг тавараў.

Прэзідэнт Венесуэлы Нікалас Мадура часта абвінавачвае прыватны бізнэс у тым, што менавіта той нясе адказнасць за эканамічны крызіс у краіне.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: