Упершыню ў гісторыі Ірландыі пост прэм'ера падзеляць два чалавекі

Прадстаўнік апазіцыі Міхал Марцін першым зойме пасаду прэм'ера, а праз праз два з паловай гады на гэтае месца вернецца дзеючы прэм'ер Лео Варадкар.
Упершыню ў гісторыі Ірландыі пост прэм'ера падзеляць два чалавекі. Пра гэта стала вядома вечарам у суботу, 27 чэрвеня, у гэты дзень у краіне завяршыліся перамовы аб стварэнні кааліцыйнага ўрада.

Пасаду прэм'ера на два з паловай гады зойме прадстаўнік апазіцыйнай партыі «ФІАН Фойл» Міхал Марцін. Затым ён вызваліць пост і яго таксама на два з паловай гады зойме дзеючы прэм'ер, прадстаўнік кансерватыўнай партыі «Фіне Гэл» Лео Варадкар.

Складаныя кааліцыйныя перамовы


Выбары ў Ірландыі прайшлі яшчэ ў лютым. Цяжкія кааліцыйныя перамовы занялі 4 месяцы. Партыі доўга не маглі прыйсці да пагаднення, а затым перамовам перашкодзіла пандэмія каронавіруса.

У склад кааліцыі таксама ўвайшлі «зялёныя». Радыкальная партыя «Шын Фейн» заняла па выніках выбараў другое месца, што стала вялікім поспехам для яе, аднак у кааліцыю не патрапіла.

59-гадовы Марцін па адукацыі настаўнік, у розныя гады ён займаў пасады міністра адукацыі, аховы здароўя, прадпрымальніцтва, таксама нядоўга ён працаваў на пасадзе кіраўніка МЗС Ірландыі, займаў пасаду мэра горада Корка.

dw.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: