Віктар Орбан прапанаваў адрадзіць Вялікую Венгрыю для барацьбы з Бруселем

Венгрыя адзначыла соты юбілей Трыанонскай дамовы, у выніку якой, як частка экс-імперыі Габсбургаў, яна страціла прыкладна 70 працэнтаў сваёй тэрыторыі.

Хаця большасць жыхароў страчаных тэрыторый былі славянамі або румынамі, многія венгры таксама засталіся па-за межамі бацькаўшчыны. Трыанон да гэтага часу з’яўляецца траўмай для венгерскага грамадства, чым ахвотна карыстаюцца мясцовыя правыя і еўрафобы, у тым ліку кансерватыўны ўрад Віктара Орбана. 

Аднак гэтым разам акцэнты нечакана змяніліся. Замест таго, каб патрабаваць уз’яднання венграў, афіцыёз усталяваў сувязь паміж дамовай стогадовай даўніны і спробамі лібералаў пазбавіць народы Еўропы суверэнітэту. 

Паводле словаў спікера венгерскага парламента (чальца партыі Орбана), «у той час, як 100 гадоў таму сумнеў выклікала “існаванне венгерскай нацыі”, сёння ў Бруселі ставяць пад сумнеў існаванне ўсіх нацый у Еўропе». А Віктар Орбан увогуле прапанаваў для барацьбы з Бруселем адрадзіць Вялікую Венгрыю ў выглядзе кааліцыі краін, якія ўваходзілі ў склад венгерскай дзяржавы.

Паводле замежнай прэсы



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: