Вялікабрытанія. Антарктычная Ялта

Аўтарытэтнае брытанскае выданне «Financial Times» заклікала да правядзення міжнароднай сустрэчы, якая павінна нагадваць знакамітую Ялцінскую канферэнцыю.


 Як вядома, у Ялце ўвесну 1944 года Вялікабрытанія, СССР і ЗША намецілі контуры пасляваеннага свету. 

Што да новай Ялцінскай канферэнцыі, то яна павінна ўсталяваць правілы гульні ў Антарктыдзе. 

Выданне фіксуе нарастаючую актыўнасць шэрагу краін у раёне Паўднёвага полюса, якая стымулюе глабальнае пацяпленне. Ужо сёння колькасць турыстаў у Антарктыду расце на 17 працэнтаў штогод. Спецыялісты дапускаюць, што вельмі хутка з’явіцца магчымасць здабычы мясцовых мінеральных рэсурсаў. 

Гэта ў любым выпадку запатрабуе перагляду базавых міжнародных пагадненняў па Антарктыдзе, якія былі заключаныя ў 1959 годзе. 

«Financial Times» мяркуе, што альтэрнатывай антарктычнай Ялце можа стаць паступовы пераход Антарктыды пад кантроль Пекіну. Менавіта кітайскія навукоўцы найбольш актыўна пранікаюць на ледзяны кантынент. Калі верыць выданню, у гэтым годзе кітайцы ўклалі ў рэгіянальныя даследаванні больш, чым Аўстралія, якая да цяперашняга дня лічылася лідарам у галіне даследавання Паўднёвага полюса.

Паводле брытанскай прэсы



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: