Вярхоўная рада Украіны заявіла аб «нелегітымнасці» новай Дзярждумы РФ

У Радзе падтрымалі заяву, у адпаведнасці з якой "чарговыя выбары дэпутатаў прызнаюцца незаконнымі, а сфармаваная па іх выніках Дзярждума РФ — нелегітымнай".
Украінскія дэпутаты прынялі пастанову №6078 «Аб заяве Вярхоўнай рады Украіны адносна нелегітымнасці выбараў дэпутатаў Дзяржаўнай Думы Расійскай Федэрацыі 2021 года». Пра гэта гаворыцца ў паведамленні апарата Рады, апублікаваным у сераду, 22 верасня.

У падтрымку пастановы прагаласавалі 322 заканадаўца з 424. Па звестках прэс-службы, гэта — «адна з самых масавых падтрымак» на адрас канкрэтнай заявы ў парламенце Украіны.

Такім чынам «чарговыя выбары дэпутатаў Дзяржаўнай Думы РФ 2021 прызнаюцца незаконнымі, а сфармаваная па іх выніках Дзярждума Расійскай Федэрацыі — нелегітымнай», гаворыцца ў дакуменце.

Прапанову ўнёс першы намеснік старшыні Рады

Прапанову ўхваліць адпаведную фармулёўку было ўнесена першым намеснікам старшыні Рады Русланам Стэфанчуком 20 верасня.

«Ні адна дзяржава, а асабліва — дзяржава-агрэсар — не можа праводзіць свае выбары на нашых часова акупаваных тэрыторыях. Кропка», — напісаў Стэфанчук ў Facebook. «Мы заклікаем парламенты замежных дзяржаў і міжнародныя парламенцкія арганізацыі даць належную ацэнку сфальшаванай парламенцкіх выбараў і фактах незаконнага галасавання», — адзначыў ён.

«Не дазволім Расіі выкарыстоўваць нашы тэрыторыі»

Стефанчук падкрэсліў, што «Расійская Федэрацыя нахабна парушыла міжнароднае права, праводзячы псеўдавыбары ў Дзярждуму РФ у часова акупаванай  Аўтаномнай Рэспубліцы Крым і ў Севастопалі, а таксама прыцягваючы грамадзян Украіны з часова акупаваных тэрыторый Данецкай і Луганскай абласцей».

«Прыняўшы пастанову №6078, мы яшчэ раз гучна заяўляем свету, што не дазволім Расіі выкарыстоўваць нашы тэрыторыі і нашых грамадзян для ўласнай выгады», — рэзюмаваў намеснік старшыні Рады.

Галасаванне жыхароў «ДНР» і «ЛНР»

Выбары ў Дзярждуму прайшлі 17-19 верасня. Пры гэтым галасаванне было арганізавана не толькі ў самой Расіі, але і ў анэксаваным Крыме, а жыхароў ўкраінскага Данбаса з тэрыторый так званых «ДНР» і «ЛНР» на аўтобусах вывозілі ў Растоўскую вобласць, дзе яны таксама ўдзельнічалі ў выбарах расійскага парламента.

Паводле dw.com

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: