Вызваленыя шэсць украінскіх афіцэраў, у тым ліку Мамчур

Камандзіра Бельбецкай авіяцыйнай брыгады Юлія Мамчура спешна вывозяць з Крыму. Пра гэта на сваёй старонцы ў Facebook напісаў крымскі журналіст Асман Пашаеў.



Украінскія вайскоўцы, якія вярнуліся на сваю базу ў Бельбеку 4 сакавіка


Паводле звестак журналіста, «у суправаджэнні двух аўтаматчыкаў Мамчур заехаў у інтэрнат, перадаў ключы суседзям і сказаў, што абавязаны пакінуць Крым на працягу трох гадзін». «Калі ён выканае гэта патрабаванне, яму аддадуць мабільны тэлефон», — паведамляе Пашаеў, спасылаючыся на жонку палкоўніка Ларысу.

 

Мамчур быў захоплены 22 сакавіка, калі адбыўся штурм авіябазы ў Бельбеку. Пазней стала вядома, што камандзіра Мамчура выкралі расійскія вайскоўцы. Паводле яго жонкі, ён быў дастаўлены ў вайсковую турму ў Севастопалі.

 

Прэсавы прадстаўнік Міністэрства абароны Украіны паведаміў Радыё Свабода, што вызваленыя ўсе шэсць захопленых у Крыме ўкраінскіх афіцэраў.

 

www.svaboda.org

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: