З Расіі могуць дэпартаваць замежнікаў, якія захварэлі на каранавірус

Замежнікаў, у якіх выявяць каранавірус, могуць дэпартаваць з Расіі. Пра гэта паведаміў прэм'ер-міністр РФ.

Фота РИА Новости

Прэм'ер-міністр Расіі Міхаіл Мішусцін на аператыўнай нарадзе са сваімі намеснікамі паведаміў пра рашэнне накіраваць у Кітай гуманітарную дапамогу, паведамляе zviazda.by.

Міхаіл Мішусцін таксама нагадаў, што Сусветная арганізацыя аховы здароўя прызнала сітуацыю з распаўсюджваннем каранавіруса надзвычайнай. Ён дадаў, што нядаўна быў падпісаны нацыянальны план па папярэджанні завозу і распаўсюджвання каранавіруснай інфекцыі на тэрыторыі Расіі. Гэтая інфекцыя таксама была дададзеная ў пералік асабліва небяспечных захворванняў.

"Гэта дасць магчымасць ажыццяўляць дэпартацыю замежных грамадзян, калі ў іх будзе выяўлена такая хвароба, і ўводзіць спецыяльныя абмежавальныя меры. У тым ліку гэта ізаляцыя і каранцін", — растлумачыў Мішусцін.



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: