Захарчанка «прапанаваў» украінцам пакінуць Дэбальцава без зброі ды пагражае нападам на Харкаў

Кіраўнік ДНР прапанаваў украінскім сілавікам, акружаным каля Дэбальцава, пакінуць раён без зброі і тэхнікі.



«Усе ўкраінскія вайскоўцы, што знаходзяцца ў Дэбальцава і ў прылеглых населеных пунктах, павінны арганізавана пакінуць горад без зброі і тэхнікі», — заявіў Захарчанка Данецкаму агенцтву навін, паведамляе РИА «Новости».
 
 
Захарчанка таксама сказаў, што калі кіеўская ўлада не будзе прытрымлівацца умоў Мінскіх дамоўленасцей, не адвядзе сваю тэхніку ад межаў «ДНР», «не адпусціць нашых палонных і працягне бамбіць нашы гарады, то, зразумела, мы не будзем проста стаяць і чакаць».
 
 
«У першую чаргу, мы проста знішчым «Дэбальцаўскі кацёл» з украінскімі вайскоўцамі, дзе на дадзены момант знаходзіцца ад 6 да 8 тысяч чалавек. Потым мы адаб'ем у праціўніка Марыупаль, а калі гэта будзе зроблена, то мы кінем усе свае сілы на тое, каб узяць Харкаў», — заявіў ён, паведамляе УНІАН.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: