ЗША ўзмоцняць ціск на Расію ў выпадку зрыву Мінскіх пагадненняў

ЗША можа ўзмацніць эканамічны ціск на Расію ў выпадку зрыву выканання мінскіх дамоўленасцей аб урэгуляванні сітуацыі на ўсходзе Украіны. Пра гэта заявіў амбасадар ЗША ва Украіне Джэфры Пайет.



«Калі Расія не зможа выканаць абавязацельствы, якія яна ўзяла, падпісаўшы Мінскія дамоўленасці, мы падымем цану таго, што яна не выконвае», — сказаў Пайет, адказваючы на пытанне пра існаванне «плана Б» у выпадку зрыву мінскіх дамоўленасцей, паведамляе Інтэрфакс-Україна.

Пасол таксама паведаміў, што ЗША і Еўрасаюз «прыкладаюць усе намаганні, каб мінскія дамоўленасці выконваліся, каб спыніць расейскую агрэсію».

Пры гэтым ён лічыць, што вайна на ўсходзе Украіны не павінна быць прычынай замаруджвання правядзення эканамічных рэформаў у краіне.

«Акупацыя «ЛНР» і «ДНР» тэрыторыі Украіны складае толькі менш за 3%, і гэтая невялікая частка тэрыторыі Украіны не павінна тармазіць далейшы рух Украіны да рэформаў і прагрэсу», — адзначыў Пайет.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: