ЗША. Біблія супраць урагану

Апошнім часам у амерыканскі штат Фларыда рэгулярна прыходзяць ураганы, што выклікала цікавую рэакцыю.

Ураган Ірма. Фота з сайта jpgazeta.ru

У асяроддзі часткі мясцовых пратэстантаў узнікла ініцыятыва змагацца з прыроднымі катастрофамі з дапамогай малітвы.

Рух нарадзіўся два гады таму, калі ў Фларыду прыйшоў ураган Ірма. Тады вялікая група вернікаў выйшла на пляж і паспрабавала супакоіць ураган за кошт чытання фрагментаў Бібліі.

Ураган яны, натуральна, не спынілі, аднак дзіўным чынам шкода ад Ірмы ў гэтым муніцыпалітэце склала 45 мільёнаў долараў, калі ў суседніх — пад 80.

Гэта арыфметыка дапамагла руху набыць салідны маштаб. Інакш бы перад нядаўнім прыходам урагану Дорыян уладам не прыйшлося б заклікаць вернікаў не страляць па хмарах (чамусьці тыя вырашылі, што гэта спалохае ўраган, і той сыдзе з Фларыды).

Прэса не інфармуе, ці паслухаліся сектанты закліку. Затое яна згодная з тымі, хто адзначае, што мода на барацьбу з прыроднымі катастрофамі з дапамогай Бібліі будзе ўсё больш папулярнай.

Паводле амерыканскай прэсы

Хочаце ведаць больш? Сачыце за нашымі публікацыямі ў Telegram і Facebook!