ЗША. Прэзідэнт па е-мэйле?

Чым больш каронавірус атакуе Злучаныя Штаты, тым часцей грамадзяне задаюцца пытаннем: а ці можна ў такіх умовах забяспечыць нармальны працэс выбараў кіраўніка дзяржавы?


Нават калі эпідэмія пойдзе на спад, няма ніякіх гарантый, што да 3 лістапада — дня выбараў прэзідэнта, — усё канчаткова стабілізуецца. Калі хаця б у нейкім штаце захаваецца рэжым каранціну і самаізаляцыі, выбары нельга будзе лічыць легітымнымі. 

Выхад з сітуацыі ўжо ёсць. Шэраг выданняў прапануюць падкарэктаваць законы і даць амерыканцам права галасаваць па электроннай пошце. «Галасаванне па пошце — сумленны варыянт для кожнага выбаршчыка ў краіне», — піша The New York Times. 

Лабісты галасавання па электроннай пошце таксама спасылаюцца на досвед пяці штатаў, дзе ўжо практыкуецца такая форма галасавання. Як вынік падобных публікацый — два дэпутаты Кангрэса ўжо падалі адпаведны законапраект. 

Але ёсць адна перашкода. Рэспубліканцы жорстка супраць рэформы, паколькі галасаваць «па мыле», хутчэй за ўсё, будуць прыхільнікі дэмпартыі. Сацыялогія паказвае, што многія рэспубліканцы — людзі кансерватыўных поглядаў і не давяраюць электроннаму галасаванню.

Паводле амерыканскай прэсы


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: