Трамп таксама хворы?

Адным з козыраў Трампа ў барацьбе за Белы дом з’яўляецца ментальныя праблемы яго апанента Джо Байдэна.

Фота www.ixbt.com

Байдэн патрапіў у шэраг скандалаў, якія даюць падставы казаць пра наяўнасць праблемаў з памяццю. Напрыклад, ён забываўся, дзе знаходзіцца, або нюхаў валасы прысутных кабетаў.

Аднак цяпер, падобна, Трампу самому давядзецца даводзіць, што ён псіхічна здаровы. Усё праз тое, што здарылася падчас яго выступу ў вайсковай акадэміі Вест-Пойнт. Стоячы на памосце, 74-гадовы Трамп з усіх сіл спрабаваў паднесці шклянку вады да вуснаў. Пазней прэзідэнт крок за крокам асцярожна спускаўся па трапе самалёта. Каб адвесці падазрэнні, прэзідэнт напісаў у Твітары, што трап быў «вельмі доўгі і слізкі».

Натуральна, яго апаненты ў гэта не паверылі, і цяпер сцвярджаюць, што амерыканцы ведаюць пра медыцынскую гісторыю Трампа менш, чым пра любога папярэдняга прэзідэнта. Таксама раптам стала вядома пра сакрэтны візіт гаранта ў нейкі шпіталь у мінулым годзе. У сувязі з апісаным скандалам можна не сумнявацца, што тэма псіхічнага здароўя кандыдатаў у прэзідэнты ЗША будзе адной з ключавых падчас выбарчай кампаніі.

Паводле амерыканскай прэсы



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: