ЗША ўпершыню ў гісторыі ўвялі надзвычайную сітуацыю ва ўсіх штатах

Увядзенне ў ЗША рэжыму надзвычайнай сітуацыі, які ўпершыню дзейнічае ва ўсіх штатах адначасова, дазваляе на федэральным і лакальным узроўні спрасціць доступ да дзяржфінансавання.
Прэзідэнт Дональд Трамп ў суботу, 11 красавіка, апублікаваў дэкларацыю аб увядзенні рэжыму «маштабнага бедства» у штаце Ваёмінг на захадзе ЗША ў сувязі з пандэміяй каронавіруса. Такім чынам гэтае становішча ўпершыню ў гісторыі краіны распаўсюдзілася на ўсе 50 амерыканскіх штатаў і федэральную акругу Калумбія.

«Прэзідэнт працягвае рэагаваць на запыты кожнага з губернатараў, якія тычацца абароны здароўя ўсіх амерыканцаў», — падкрэсліў у сувязі з намеснік прэс-сакратара Белага дома Джад Дзір.

Губернатар Ваёмінга Марк Гарадон накіраваў Трампу адпаведны запыт яшчэ 9 красавіка. На той момант у штаце было зафіксавана крыху больш за 200 выпадкаў заражэння каронавіруснай інфекцыяй. «Хоць Ваёмінг яшчэ не сутыкнуўся з такой цяжкай сітуацыяй, як некаторыя іншыя штаты, гэтая дэкларацыя дапаможа нам падрыхтаваць і мабілізаваць рэсурсы, калі яны нам спатрэбяцца», — растлумачыў Гордан.

Спросціць фінансаванне і каардынацыю


У Белым доме ўдакладнілі, што рэжым надзвычайнай сітуацыі дазваляе на федэральным і лакальным узроўні, а таксама ў дачыненні да шэрагу арганізацый спрасціць доступ да дзяржфінансавання. Акрамя таго, ён палягчае каардынацыю уладаў штатаў і Федэральнага агенцтва ЗША па кіраванні ў надзвычайных сітуацыях (FEMA), а таксама Інжынернага корпуса сухапутных войскаў Узброеных сіл ЗША.

Па дадзеных прыватнага амерыканскага Універсітэта Джонса Хопкінса ў штаце Балтымор, усяго ў краіне на 8.30 мск 12 красавіка зафіксаваны 529 951 выпадак інфікавання SARS-CoV-2, памерлі 20 608 чалавек, ачунялі 32 091. Па колькасці смерцяў ЗША апярэджваюць Іспанію і Італію, сур'ёзна пацярпелыя ад пандэміі. Агульная колькасць памерлых павялічылася ўдвая — з 10 да 20 тысяч — усяго за пяць дзён.

dw.com

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: